L-Imħallef Carlo Porceddu, li nħatar diriġent tal-FIGC, iddikjara li kien żball kbir li l-kampjonat tal-2006 ttieħed lil Juventus biex ġie assenjat lil Inter.
“Kien żball gravissimu. Bħala Qorti Federali konna llimitajna s-sanzjonijiet fil-konfront ta’ Juventus, u ma ordnajniex it-teħid ta’ dak il-kampjonat għaliex ma kienx hemm elementi suffiċjenti,” iddikjara Porceddu.
Kompla li, madankollu, “Il-Kummissarju Straordinarju tal-FIGC, Guido Rossi, kien ħatar grupp minn sħabu, li wieħed minnhom kien fil-Kunsill tal-Amministrazzjoni ta’ Inter, u ddeċidew li l-kampjonat jittieħed lil Juventus u jingħata lil Inter.”
Matul il-karriera tiegħu, Porceddu okkupa karigi importanti fl-Uffiċċju tal-Investigazzjonijiet u kien ukoll Prokuratur Federali bejn l-1998 u l-2001.
Sors: L’Unione Sarda
