L-eks plejer u ikona ta’ Juventus David Trezeguet tkellem fuq il-kowċ preżenti Massimiliano Allegri fejn sostna li dan il-kowċ qed iġiblu ħafna memorji ta’ l-eks kowċ Juventin Marcello Lippi.
Fi żmien Lippi bejn l-2001 u l-2003, Trezeguet rebaħ żewġ kampjonati u kien parti mit-tim li tilef il-finali taċ-Champions League f’Old Trafford kontra Milan.
“Preżentament Allegri qed jagħmel xogħol tajjeb ħafna u qed ifakkarni f’Marcello Lippi għaliex kellu l-kapaċità li fi żmien qasir idaħħal diversi valuri ġodda f’din l-iskwadra, fejn issa qed jirnexxielu jikseb diversi suċċessi. Allegri rebaħ ħafna rispett mill-partitarji, mid-diriġenti u l-iktar importanti mill-iskwadra. Kellu l-kapaċità li jieħu deċiżjonijiet iebsin iżda li fuqhom ingħata raġun.”
Sors: Tuttosport
Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.
Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com
