Id-difensur ċentrali ta’ Juventus Leonardo Bonucci tkellem fuq il-partitissima kontra Barcelona fejn id-difensur sostna li t-tim Spanjol naqqas ħafna mis-saħħa tagħhom minn meta l-aħħar li lagħbu kontra Juventus fil-finali tal-Uefa Champions League fl-2015.

“Barcelona għandhom il-kowċ li ilu tliet snin magħhom u dik tgħin ħafna. Neymar tjieb ħafna, Mascherano għandu iktar esperjenza fid-difiża filwaqt li Rakitić immatura iktar. Fl-opinjoni tiegħi, xorta waħda nemmen li Barcelona m’għadhomx b’saħħithom daqs kemm kienu fl-2015. Jien nemmen li Bayern München huma l-iktar tim b’saħħtu fil-Uefa Champions League u ninsab ċert li ma kienu qatt se jħallu lil Barcelona jagħmlu rimonta kif għamlu ma’ PSG.”

“Fil-finali tal-2015 fil-midfield kellna lil Claudio Marchisio, Arturo Vidal, Andrea Pirlo u lil Paul Pogba. Kienu plejers li tawna kollox fil-finali u issa għandna plejers differenti li żgur li se jagħmlu dak kollu possibli biex navvanzaw. Mill-2015, bħala tim immaturajna ħafna fejn jidħol pussess tal-ballun u meta niddefendu u nattakkaw.”

Sors: El Pais

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com