L-attakkant prolifiku ta’ Juventus Gonzalo Higuaín sostna li Juventus m’għandhom l-ebda biża’ minn Barcelona però sostna li l-Katalani għandhom jirrispettawhom daqs kemm jirrispettawhom Juventus.

“Kontra Chievo kienet logħba diffiċli però ħadna dak li ridna għax waslu t-tliet punti. Issa l-attenzjoni tagħna daret fuq Barcelona u se nieħdu l-mistrieħ biżżejjed biex inkunu fl-aqwa forma possibbli. Irridu nkunu kalmi għaliex hija logħba diffiċli ħafna kontra tim b’saħħtu iżda jridu jirrispettawna daqs kemm nirrispettawhom aħna.”

Fl-aħħar Higuaín tkellem dwar ir-ritorn tiegħu ġewwa s-San Paolo fejn fil-logħba tal-Coppa Italia, il-Pipita skurja żewġ gowls.

“Kien ritorn speċjali u ninsab kuntent għall-partitarji Juventini għaliex naf ċert li jinsabu warajja. Ninsab kuntent ħafna ġewwa Turin.”

Sors: Mediaset Premium

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com