Lejlet il-partita kontra t-tim ta’ Crotone, Allegri ħabbar it-22 plejer li se jkunu eliġibbli għal din il-partita filwaqt li hemm indikazzjoni ta’ kif ħa tkun il-formazzjoni.

Allegri mistenni jżomm il-formazzjoni ta’ 4-2-3-1. Neqsin mil-lista hemm Claudio Marchisio minħabba problemi f’dahru u Giorgio Chiellini se jkun imserraħ għal din il-partita. Il-lista finali hija din:

Goalkeepers: Buffon, Neto, Audero, Loria
Difensuri: Bonucci, Barzagli, Benatia, Alex Sandro, Rugani, Lichtsteiner, Dani Alves
Midfielders: Pjanić, Khedira, Mattiello, Asamoah, Sturaro, Rincon
Attakkanti: Dybala, Higuaín, Mandžukić, , Pjaca, Cuadrado

Hemm dubji dwar min se jiddefendi l-lasti bejn Buffon u Neto iżda fid-difiża mistennija jibdew Dani Alves u Alex Sandro mal-faxex laterali filwaqt li l-koppja ċentrali mistennija tiġi ffurmata minn Bonucci u Rugani. Quddiem id-difiża flimkien ma’ Pjanić mistenni jkun hemm Sturaro li huwa favorit fuq Rincon.

It-tlieta ta’ quddiemhom mistennija jkunu: il-Kroat Marko Pjaca flok il-Kolombjan Cuadrado flimkien ma’ Dybala u Mandžukić, filwaqt li l-Arġentin Higuaín mistenni jżomm postu bħala l-attakkant prinċipali.

Sors: TuttoJuve