Wara li rebaħ is-Sub20 mal-Urugwaj, Rodrigo Bentancur kien protagonist fir-rebħa ta’ 2-1 ta’ Boca Juniors fuq Colón. Fil-fatt, kien ivvutat bħala l-plejer tal-logħba li ntlagħbet fl-istadju Estanislao Brigadier López di Santa Fe.

Il-prestazzjoni pożittiva tal-midlfieder żagħżugħ wasslet lil xi kritiċi biex jiddeskrivuh hekk: “jilgħab qisu veteran”. Dan jawgura tajjeb għal Juventus, li f’dawn il-jiem kienu f’taħditiet mal-aġent tiegħu Bolotnicoff biex jiftiehmu dwar l-akkwist tiegħu.

Id-diriġenti ta’ Juventus kienu daħħlu lil Bentancur fit-trattattiva li rat lil Carlos Tevez iħalli lil Juventus u jingħaqad mal-klabb Arġentin. Għaldaqstant, Juventus għandhom id-dritt li jixtru lill-plejer sa April li ġej mingħajr il-biża’ li jista’ jidħol għalih xi tim ieħor.

F’każ li Juventus jagħmlu użu minn dan id-dritt, huma marbuta jħallsu 9 miljun ewro lil Boca Juniors għall-Urugwajan ta’ dsatax-il sena. Din iċ-ċifra tista’ titla’ sa 16-il miljun ewro meta wieħed iżid il-bonuses miftiehma.

Sors: Tuttosport

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com