Id-difensur internazzjonali Franciz Patrice Evra tkellem għall-ewwel darba wara t-tluq tiegħu minn ma’ Juventus fejn ingħaqad ma’ Marseille.

“Għandi rispett kbir lejn Allegri. Fil-fatt lili jweġġagħni l-fatt meta n-nies jgħidu li jien tlaqt minħabba fih. Jien u hu tkellimna diversi drabi u fl-opinjoni tiegħi Allegri huwa kowċ kbir u wrieni dan sentejn ilu fil-logħba kontra Borussia Dortmund.”

“Allegri huwa bniedem pożittiv ħafna u ma tantx iħobb jitfa’ pressjoni fuq il-plejers tiegħu. Rigward l-ispekulazzjonijiet li jista’ jikkowċja fl-Ingilterra, naħseb li jkun suċċess għaliex fl-Ingilterra hemm nuqqas ta’ dixxiplina tattika.

Għandna ezempji ċari bi Claudio Ranieri ma’ Leicester u issa Conte ma’ Chelsea. Fl-opinjoni tiegħi naħseb li Chelsea se jirbħu l-kampjonat dan l-istaġun.”

Sors: Football Italia