L-eks plejer ta’ diversi klabbs fl-Italja fosthom ukoll ta’ Juventus u Napoli, Nicola Amoruso, għadda l-ħsibijiet tiegħu fuq ir-ritorn ta’ Higuaín ġewwa s-San Paolo u fl-opinjoni tiegħu meta jirritorna f’dan il-grawnd se jkun qed iħoss il-konsegwenzi.

“Higuaín huwa champion u hemm żewġ logħbiet diffiċli jistennewh ġewwa Napli. It-tluq tiegħu rawh ħafna bħala tradiment iżda fit-tliet snin tiegħu ma’ Napoli ppremjahom b’ħafna gowls u prestazzjonijiet mill-aqwa.”

“Meta jidħol fil-grawnd se jkun qed iħoss il-konsegwenzi tat-tluq tiegħu ma’ Juventus. F’ċertu logħbiet, il-grawnd ta’ Napoli jista’ jtik ħafna u bħalissa hemm ċertu entużjażmu fil-belt Naplitana. Meta l-affarijiet ikunu sejrin ħażin, is-San Paolo jista’ jikkastigak iżda huwa esperjenza indimentikabbli.”

Sors: Radio CRC

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com