In-numru 5 ta’ Juventus Miralem Pjanić tkellem wara r-rebħa kontra Lazio fejn sostna li hu flimkien ma’ sħabu lagħbu futbol sabiħ u kienu aggressivi fuq l-avversarji.

“Ħadna gost ħafna nilagħbu b’din is-sistema ġdida li użajna llum, ħloqna ċ-ċansijiet u lgħabna futbol sabiħ. Dawn huma tliet punti prezzjużi fit-tiġrija għar-rebħ tal-kampjonat.”
Pjanić kien mistoqsi jekk jaħsibx li Allegri għandux juża din il-formazzjoni l-ġdida nhar l-Erbgħa li ġej kontra Milan u hu wieġeb hekk: “Dik deċiżjoni tal-kowċ. Illum it-tim irrisponda tajjeb ħafna fejn lgħabna dixxiplinati u konna tattikament perfetti”.
“Il-logħba kontra Milan tal-Coppa Italia hija importanti wkoll għax aħna nixtiequ nirbħu din il-kompetizzjoni wkoll. Hija kompetizzjoni knockout u għalhekk se nagħtu l-100% tagħna biex ngħaddu għas-semifinali,” kompla jsostni Pjanić.

Sors: TuttoJuve