Id-difensur ta’ Juventus u l-eks plejer ta’ Barcelona Dani Alves esprima l-opinjoni tiegħu wara r-rebħa ta’ 3-0 ta’ Juventus kontra l-eks tim tiegħu.

Fl-opinjoni tiegħu, din ir-rebħa ħarġet is-saħħa ta’ Juventus mhux għax Barcelona kienu deludenti fil-partita.

“Lgħabna logħba mill-aqwa speċjalment fl-intensità difensiva u ma ħallejniex spazji lill-avversarji biex jagħmlulna l-ħsara. Kienu żewġ fatturi li għamlu l-ħajja iktar diffiċli għall-attakanti tagħhom. Ir-riżultat jirrifletti s-saħħa ta’ Juventus iktar milli għax Barcelona kienu inferjuri. Produċejna prestazzjoni kollettiva mill-aqwa u għamilna sforzi kbar biex wasalna għal dan ir-riżultat.”

Dani Alves ġie mistoqsi rigward ir-rimonta li wettqu Barcelona kontra PSG wara li tilfu l-ewwel leg bl-iskor ta’ 4-0.

“Irridu nibqgħu konċentrati sal-aħħar għaliex nafu x’kapaċi jagħmlu speċjalment wara r-rimonta kontra PSG. Jekk inżommu l-istess intensità u saħansitra niskurjaw gowl, inkunu nistgħu ngħidu li eliminajna lil dawn il-fenomeni u navvanzaw għas-semifinali. Irridu niġġieldu u nsofru fl-istess ħin, mhux se tkun faċli, però għandna fiduċja kbira.”

Sors: TuttoJuve

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com