Wara l-partita kontra Sassuolo, Massimiliano Allegri kien mistoqsi rigward l-attakkant Gonzalo Higuaín u l-forma diffiċli tiegħu. Huwa tenna li Higuaín m’għandu l-ebda problema iżda jrid jibqa’ kalm għaliex il-gowls żgur li se jaslu.
“Higuaín m’għandu l-ebda problema. Din hija xi ħaġa li tista’ tiġri f’xi perjodi matul l-istaġun. L-iktar ħaġa importanti hija li jibqa’ kalm għaliex ninsab ċert li l-gowls għalih se jaslu żgur.”
Allegri kompla jsostni li Higuaín huwa fundamentali għat-tim u kuntent bix-xogħol li qed jagħmel fit-taħriġ u anke fil-logħob.
Sors: Tuttosport
Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.
Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com
