Tuttosport għamlu intervista lil Massimiliano Allegri u fost l-oħrajn dan tal-aħħar ġie mistoqsi rigward l-attakant Gonzalo Higuaín.

Allegri tenna li dan il-plejer jirrabjah ħafna għax jippretendi ħafna aktar minnu.

“Gonzalo jrid ikun aktar deċiżiv. Li jiskurja 25 jew 30 gowl ma taffetwanix iżda l-aktar ħaġa importanti hija li jiskurja dawk il-blalen deċiżivi. Fiżikament jinsab aħjar għaliex ħadem ħafna waqt il-waqfa tan-Nazzjonal però xorta waħda baqalu ħafna.”

“Higuaín huwa plejer eċċezzjonali u għalhekk jien nirrabja ħafna, għax nippretendi ferm aktar minnu. Fl-opinjoni tiegħi s’issa Higuaín produċa n-nofs ta’ dak li kapaċi jagħmel.”

Sors: Tuttosport

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com