L-awtur ta’ żewġ gowls kontra l-eks tim tiegħu Palermo u wieħed minnhom minn freekick spettakolari, Paulo Dybala wara l-partita tkellem dwar l-istess logħba u sostna wkoll li l-attenzjoni issa għandha ddur fuq Porto.

“Illum kellna prestazzjoni tajba ħafna u pproduċejna futbol sabiħ fejn anke skurjajna erba’ gowls però din il-logħba issa għaddiet u l-attenzjoni tagħna issa se ddur fuq it-tim ta’ Porto. Nhar l-Erbgħa rridu nipproduċu prestazzjoni konvinċenti jekk verament irridu navvanzaw għal fażi oħra ta’ din il-kompetizzjoni.”

Ir-raba’ gowl ta’ Juventus u t-tieni wieħed personali għal Dybala wasal wara xogħol tajjeb tal-kompatrijott tiegħu Higuaín fejn b’mod intelliġenti għadda tajjeb bit-takkuna lejn Dybala għar-raba’ gowl tal-Bianconeri. Fl-aħħar Dybala faħħar ukoll l-atmosfera fil-Juventus Stadium.

“Inħossni kuntent u komdu li nilgħab ma’ Higuaín. It-tnejn li aħna nafu lil xulxin sew u flimkien nilagħbu futbol sabiħ però ovvjament nisperaw li nibqgħu hekk. Naf x’jiġifieri li tilgħab bħala avversarju fil-Juventus Stadium. Hija litteralment battalja u aħna nippruvaw dejjem nieħdu l-vantaġġ li qed nilagħbu ġewwa l-grawnd tagħna.”

Sors: Football Italia

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com