Il-midfielder ta’ Juventus Miralem Pjanić tkellem dwar iċ-ċansijiet ta’ Juventus f’dan l-istaġun li jirbħu t-tliet tazzi maġġuri jiġifieri s-Serie A, il-Coppa Italia u l-famuża Champions League. Huwa sostna li Juventus jixtiequ li jirbħu kull unur possibbli għax dik hija l-mentalità Juventina.

“Aħna nixtiequ u rridu nirbħu kull tazza possibbli. L-għatx għar-rebħ u s-suċċessi f’dan it-tim huwa xi ħaġa inkredibbli għaliex aħna ngħixu biex nirbħu u biex tasal għas-suċċess trid iżżomm saqajk mal-art u ma tridx tħalli l-ambizzjonijiet jiġru bik. L-istaġun huwa twil però bħalissa qegħdin fl-iktar fażi kruċjali tal-istaġun. Se jiġu mumenti diffiċli però t-tragward tagħna se jibqa’ li nippruvaw nirbħu kull unur possibbli.”

Sors: Football Italia

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com