Id-difensur ċentrali ta’ Juventus Giorgrio Chiellini sostna li se tkun diffiċli għal Barcelona li jdawru r-riżultat ta’ 3-0 jekk dejjem Juventus jilagħbu l-istess logħba li lagħbu fil-Juventus Stadium.

L-istess Chiellini kien protagonist f’din il-partita wara li skurja t-tielet gowl b’daqqa ta’ ras eċċellenti minn korner ta’ Pjanić.

“Għandna tim tajjeb ħafna u wrejna dan fl-aħħar partiti speċjalment kontra Barcelona. Kienet lejla fantastika fil-Juventus Stadium fejn tajna ħafna risposti lil dawk il-kritiċi li qatt m’emmnu li Juventus jistgħu jkunu fost l-aqwa fl-Ewropa. Hemm 90 minuta diffiċli jistennewna fil-Camp Nou u minn PSG tgħallimna li rridu nibqgħu konċentrati sal-aħħar. Bir-rispett kollu, l-istorja issa tiddependi minna stess.”

Sors: TuttoJuve

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com