Gonzalo Higuaín tkellem dwar l-affarijiet li hemm komuni bejn Juventus u Real Madrid.

Huwa sostna li ż-żewg timijiet għandhom mentalità rebbieħa iżda s-sapporters Madrileni għandhom attitudni negattiva u jikkritikaw ħafna.

Fis-sitt snin li għamel ma’ Real Madrid, Higuaín skurja 122 darba iżda xorta kien ikun ikkritikat mis-sapporters. Fl-2013 huwa ngħaqad mat-tim ta’ Napoli fejn kien wieħed mill-protagonisti fit-tim qabel ma għamel pass ieħor fil-karriera tiegħu meta ssieħeb lil Juventus is-sajf li għadda.

“Juventus huma simili ħafna ta’ Real Madrid. It-tnejn li huma għandhom mentalità rebbieħa però s-sapporters ta’ Juventus mhumiex egoisti fl-imġiba tagħhom mal-plejers bħal dawk ta’ Real Madrid. Mhijiex parti mill-kultura tas-sapporters Juventini li jsaffru lill-benjamini tagħhom.”

Apparti l-kritika, Higuaín tkellem ukoll dwar il-mumenti sbieħ li kellu kemm fil-kapitali Spanjola u kemm mat-tim ta’ Napoli.

“Għandi gratitudni kbira lejn Real Madrid u Napoli. Plejer ibiddel il-klabbs għax ikollu l-mira li jitgħallem affarijiet ġodda. L-iktar ħaġa importanti hija li jkollok il-motivazzjoni biex tavvanza ’l quddiem.”

Sors: Bein Sports