L-eks plejer ta’ Juventus u l-eks captain tat-tim nazzjonali Taljan, Fabio Cannavaro tkellem fuq it-tim ta’ Juventus u fuq il-mentalità rebbieħa li għandhom u li tagħmilhom differenti mir-rivali fil-kampjonat Taljan.

“Fit-tim ta’ Juventus flimkien mad-diriġenza għandhom mentalità rebbieħa. Dik hija r-raġuni prinċipali għaliex Juventus joħorgu bil-punti massimi fil-logħbiet mat-timijiet meqjusin kbar. Il-ftit gowls li qalgħu s’issa huwa proprju grazzi għat-tim kollu saħansitra anke l-attakkanti. Meta tilgħab kontra t-tim ta’ Juventus hija diffiċli ħafna li ssib l-ispazji. Plejers individwali tajbin jgħinuk u fid-difiża ta’ Juventus issib plejers bħal Chiellini, Bonucci, Barzagli u fil-lasta lil Buffon.”

“Il-formazzjoni l-ġdida li qed juża Allegri qed tagħtih sodisfazzjon kbir. Ir-riżultati qed jaslu u l-plejers qed juru li qed jieħdu pjaċir jilagħbu b’din il-formazzjoni. Sakemm ir-riżultati jibqgħu jiġu u l-plejers juru li jridu din il-formazzjoni, Allegri żgur li se jibqa’ juża lilha.”

Sors: Football Italia