Wara ħafna xhur u jiem ta’ stennija, illum kienet il-ġurnata fejn finalment rajna lill-istilla Arġentina ta’ Juventus Paulo Dybala jiffirma kuntratt ġdid mal-Bianconeri. Dybala ffirma kuntratt li se jorbtu ma’ Juventus sa Ġunju tas-sena 2022 fejn mistenni jaqla’ bejn €7 miljun u €7.5 miljun fis-sena li jfisser li se jilħaq lill-kompatrijott tiegħu Gonzalo Higuaín.

“Ninsab kuntent u kburi li nifforma parti minn dan il-klabb glorjuż. Huwa diffiċli biex timmaġina li ħafna affarijiet sbieħ se jiġru f’daqqa. Kienet ġimgħa li għalija kienet mimlija b’emozzjonijiet speċjali. Ninsab sodisfatt b’dak li rnexxieli nikseb u b’dak li qed nwettaq għal dan it-tim, għall-klabb u speċjalment għall-partitarji.”

“L-isbaħ mument tiegħi ma’ Juventus kien meta ffirmajt l-ewwel kuntratt tiegħi ma’ dan it-tim u meta kont naf li sirt parti minn dan il-klabb. Meta tagħmel parti minn klabb li huwa rinomat anke f’bażi internazzjonali hija xi ħaġa straordinarja. Li nilgħab għal Juventus kienet ħolma li dejjem ħlomt, minn meta kont tifel, u issa saret realtà.”

Sors: Juventus

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com