Iktar ġurnali llum qed jirrappurtaw li l-Juventus Stadium se jbiddel ismu għal Allianz Stadium. Iżda kemm se jaqilgħu Juventus mill-bidla fl-isem?

Ir-risposta hi faċli, u għal ħafna Juventini, diżappuntanti. Xejn. Dan għaliex fl-2011, meta Juventus fetħu l-Juventus Stadium, kienu ċedew ukoll id-drittijiet lill-kumpanija SportFive għal madwar €75 miljun li kienu vitali biex il-klabb iffinanzja l-proġett tal-bini tal-istadium.

Mill-isponsor ta’ Allianz, SportFive mistennija jdaħħlu bejn €15-il miljun u €18-il miljun fis-sitt snin li ġejjin.

Sors: La Stampa

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com