Il-captain u n-numru wieħed ta’ Juventus, Buffon, kellu kliem ta’ tifħir lejn Paulo Dybala wara li kien protagonista b’żewġ gowls sbieħ li wittew it-triq għal rebha ta’ 3-0 kontra l-Ispanjoli ta’ Barcelona. Buffon tkellem ukoll fuq is-save kruċjali li wettaq fuq Iniesta li kien deċiżiv għaliex mill-istess azzjoni Juventus marru 2-0 fil-vantaġġ.

“San Gigi? Le, jien nilgħab ma’ wieħed mill-aqwa timijiet u bis-sapport li għandi minn sħabi l-plejers, kull logħba rrid nuri li għadni validu għal dan it-tim. Kien save importanti u kruċjali ħafna meta tqis il-mument li konna fih. Kien importanti speċjalment għaliex mill-istess azzjoni skurjajna t-tieni gowl tal-logħba.”

Fl-aħħar Buffon tkellem fuq l-istilla Arġentina ta’ Juventus Paulo Dybala.

“Dybala kiber ħafna drastikament fl-aħħar sentejn kemm ilu ma’ Juventus. Meta nitkellem mad-diretturi jew ma’ ħbieb li jsegwu l-futbol, dejjem ngħidilhom li huwa tajjeb biżżejjed biex ikun mal-aqwa ħames plejers fid-dinja.”

Sors: Mediaset Premium

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com