Minkejja li Juventus spiċċaw b’10 plejers kontra Udinese, il-Bianconeri rebħu l-partita bl-iskor kbir ta’ 6-2 fejn il-protagonista prinċipali kien il-Ġermaniż Sami Khedira fejn skurja tliet gowls.
Fl-ewwel kummenti wara l-partita, Khedira sostna li jinsab kuntent bl-ewwel hat-trick fil-karriera tiegħu però l-aktar ħaġa importanti kienu t-tliet punti.
“Ninsab kuntent li rbaħna din il-partita diffiċli għaliex kienet importantissima wara ż-żelqa kontra Lazio. Din kienet l-ewwel hat-trick fil-karriera tiegħi u b’hekk f’din il-logħba ġie kollox perfett.”
Khedira kompla billi qal li din il-ġimgħa li ġejja se tkun importanti fl-andament tal-kampjonat.
Sors: Mediaset Premium
Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.
Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com