Kif imwiegħed fl-aħħar jiem, il-waqfa għal-logħob tal-iskwadri nazzjonali kien opportunità biex il-membri tal-Kumitat ikomplu bil-ħidma li hemm bżonn issir fil-premises tal-klabb.

Fl-aħħar sigħat membri tal-Kumitat lestew il-ħidma biex tneħħew l-istickers bl-arma antika ta’ Juventus minn fuq is-siġġijiet. Wara li dawn tnaddfu, minflok twaħħlet l-arma l-ġdida ta’ Juventus kif ukoll l-arma tal-klabb.

Dan ma kienx ikun possibbli li kieku mhux għal Daniel Xriha minn Xtreme Design Solutions. B’disinn mill-isbaħ minn din il-kumpanija, issa s-sala tal-klabb tingħata libsa pulita u aġġornata.

Waslet ukoll fl-aħħar tagħha l-preparazzjoni biex tinkixef plakka bl-ismijiet ta’ dawk li pparteċipaw f’The 300, jiġifieri l-inizjattiva li wieħed jagħti donazzjoni lill-klabb biex ikollu ismu mnaqqax b’mod permanenti fil-bini tal-klabb.