In-numru wieħed u l-captain ta’ Juventus Gianluigi Buffon sostna li ma jaqbilx mal-ħafna li jgħidu li ċ-Champions League ma tħobbx lil Juventus.

Fl-aħħar tliet staġuni l-Bianconeri telgħu finali fl-2015 u fl-2017, fejn ġew megħluba minn Barcelona u Real Madrid rispettivament.

“Il-finali ġewwa Cardiff tikkonferma dan kollu u għalkemm xi snin ilu ħafna nies qalu hekk però le ma nemminx li ċ-Champions League ma tħobbx lil Juventus. Il-fatt li wasalna sal-finali għat-tieni darba fi tliet snin tfisser li m’għandekx problemi. L-unika problema li għandna hi li nitilfu l-finali però f’dak il-livell tistenna minn kollox.”

Sors: Sky Sport Italia

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com