Mario Mandžukić huwa r-rebbieħ tal-MVP award għax-xahar ta’ Jannar.

Mandžukić ġie magħżul l-aħjar plejer tax-xahar mis-sapporters Juventini stess. L-attakkant internazzjonali tal-Kroazja kien strumentali f’Jannar fil-partiti ta’ Juventus meta l-grinta u l-passjoni tiegħu fil-grawnd hija bla dubju xi ħaga eċċezzjonali fejn daħal fil-qlub tal-Juventini madwar id-dinja.

Mario Mandžukić kellu parti kbira wkoll fil-partiti ta’ Jannar fosthom fil-logħba kontra Sassuolo meta bit-takkuna għadda lejn Alex Sandro fejn qassam lejn Higuaín u wasal l-ewwel gowl.

Fil-partita kontra Lazio kien hu li waqqa’ l-ballun pinġut fuq Dybala biex fetaħ l-iskor u fil-Coppa Italia kontra Atalanta u Milan fejn kien fundamentali wkoll biex waslu żewġ rebħiet.

Mandžukić se jiġi ppreżentat bl-MVP award nhar il-Ħadd li ġej qabel il-partitissima fil-Juventus Stadium kontra r-rivali Inter.

Sors: TuttoJuve