Il-midfielder Brażiljan Hernanes, li għadu kemm issieħeb ma’ Hebei China Fortune FC, ħalla messaġġ fuq il-profil tiegħu fuq Twitter biex jirringrazzja lil dawk kollha li għandhom x’jaqsmu mat-tim ta’ Juventus.

“Kienu sena u nofs sbieħ immens mat-tim ta’ Juventus u kien unur li nilbes il-flokk abjad u iswed ta’ dan il-klabb glorjuż. Nixtieq nirringrazzja lil kulħadd, nibda mill-President, id-diretturi, il-persunal tekniku flimkien mal-kowċ, il-ġurnalisti, ir-ristoranti f’Turin u fl-aħħar u mhux l-inqas lill-plejers sħabi. Nirringrazzjakom tal-ġentilezza u talli dejjem ilqajtuni. Grazzi wkoll lis-sapporters kollha Juventini li tawni s-support meħtieġ f’dawn is-sena u nofs. Grazzi ħafna minn qalbi lil kulħadd. Forza Juve!”.

Sors: Twitter