F’kummenti għal Mediaset wara l-partita kontra Porto, in-numru wieħed ta’ Juventus Gianluigi Buffon sostna li issa Juventus iridu jibqgħu konċentrati għall-fazi li jmiss u esprima x-xewqa li jevita lit-tim ta’ Leicester fil-kwartifinali.

“F’dan il-livell tal-kompetizzjoni kull logħba hija diffiċli, irrelevanti kif kien l-iskor tal-ewwel leg ġewwa l-Portugall. Bħala tim għamilna avvanzi kbar, ġibna l-kunfidenza u dak kien l-objettiv prinċipali li għamilna ħames snin ilu meta bdejna dan il-vjaġġ flimkien, li t-tim ta’ Juventus ikun fost l-aqwa tmienja fl-Ewropa.”

Buffon fl-aħħar tkellem fuq it-tim li jixtieq jilgħab kontrih fil-fażi li jmiss.

“Jien nixtieq li nevitaw lil Leicester. Huwa tim li għandu ħafna entużjażmu u passjoni, u għandhom l-armi neċċessarji biex jitfgħu lill-avversarji taħt pressjoni.”

Sors: Mediaset Premium

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com