Hekk kif qed toqrob il-partita kontra Napoli, Allegri mistenni jagħmel xi tibdil mill-aħħar partita kontra Crotone.

Fl-aħħar partita kien hemm neqsin Mario Mandžukić, Miralem Pjanić u Mattia De Sciglio. Il-partita kontra Napoli hija l-aktar waħda importanti s’issa f’dan l-istaġun iżda Allegri mistenni jħalli lil Paulo Dybala fuq il-bank anke minħabba l-fatt li bħalissa ma jinsabx għaddej minn forma tajba.

L-aħbar li Allegri mistenni jħalli lil Dybala fuq il-bank mhux ġejja b’kumbinazzjoni hekk kif wara r-rebħa kontra Real Madrid, ħafna partitarji sostnew li mingħajr Dybala Juventus jistgħu jilagħbu aħjar hekk kif kontra Real, il-Bianconeri lagħbu waħda mill-aqwa logħbiet f’dawn l-aħħar snin.

Fil-partita kontra Crotone Dybala kien deludenti u għal ħafna ġurnalisti u gazzetti fl-Italja, l-Arġentin kien l-agħar plejer fil-grawnd.

Sors: Tuttosport

Tixtieq li r-riklam tiegħek jidher fuq kull artiklu ta’ dan is-sit, kif ukoll fuq il-pjattaformi kollha tal-klabb? Tista’ tappoġġja lill-klabb permezz ta’ sponsor jew titlob iżjed informazzjoni billi tagħmel kuntatt magħna fuq marketing@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq info@juventusmalta.com