B’erba’ gowls u tliet assists, l-Arġentin Paulo Dybala rebaħ l-award mogħtija u magħżula mis-sapporters ta’ Juventus għax-xahar ta’ Frar. B’żewġ gowls u wieħed minnhom minn freekick stupend kontra l-eks tim tiegħu Palermo u żewġ penalties kontra Napoli fil-Coppa Italia kkonfermaw li l-ġojja ta’ Juventus qed isib il-forma li kulħadd jixtiequ biha.

Forsi ħafna sapporters ta’ Juventus jippretendu iktar gowls mingħand dan il-plejer però żgur li fil-grawnd Dybala jagħmel ħafna xogħol fejn jipprovdi l-blalen lil sħabu bħal m’għamel lil Higuaín kontra Cagliari u Palermo u fl-aħħar partita kontra Udinese fejn minn freekick mogħti minnu pinġa l-ballun fuq ras Bonucci għall-gowl tad-draw.

Dybala se jiġi ppreżentat bit-trofew nhar il-Ġimgħa li ġej qabel il-partitissima fil-Juventus Stadium kontra Milan.

Sors: Juventus

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com