Wara li l-ġimgħa li għaddiet fil-partita kontra Sassuolo Dybala ġie sostitwit u rrifjuta li jieħu b’id Allegri, ilbieraħ ħadna konferma li bejn l-attakkant Arġentin u l-kowċ ta’ Juventus m’hemm assolutament xejn.

Il-midja soċjali u gazzetti ta’ timijiet opposti wara l-logħba ta’ Sassuolo mill-ewwel qabdu jxerrdu l-kelma u jispekulaw li Dybala se jħalli lil Juventus jew mhux se jilgħab iktar taħt Allegri.

Dan ma kienx il-każ u lbieraħ Dybala reġa’ pproduċa wirja kbira oħra fejn kien ukoll imċaħħad l-ewwel minn save ta’ Handanović u mbagħad mil-lasta.

Malli ġie sostitwit minn Daniele Rugani, it-tgħanniqa ma’ Massimiliano Allegri kienet sinifikanti ħafna u tixhed l-għaqda fit-tim Juventin.