L-attakant Arġentin ta’ Juventus Paulo Dybala sostna li t-tim tiegħu tgħallem ħafna mid-disfatta li kellhom PSG ġewwa l-Camp Nou però huwa tenna wkoll li Juventus m’għandhomx għalfejn jibżgħu mill-Blaugrana.

“M’għandniex għalfejn inkunu mbeżżgħa minn Barcelona għaliex it-tim tagħna huwa tajjeb ħafna bi plejers tajbin daqshom. Bħalissa għandna forma tajba u huwa ż-żmien ideali li naffrontaw lil Barcelona. PSG sofrew sitt gowls ġewwa l-Camp Nou għaliex kellhom l-attitudni l-ħażina u dik il-partita lilna għallmitna ħafna.”

“L-iktar fattur b’saħħtu tagħhom huwa kif jilagħbu bil-ballun saħansitra anke l-goalkeeper tagħhom kapaċi b’saqajh, tajjeb biżejjed biex jilgħab midfielder. Il-punt debboli tagħhom huwa meta ma jkollhomx il-ballun f’saqajhom u rridu nagħmlu mezz biex nieħdu vantaġġ minn din il-ħaġa.”

Sors: La Repubblica

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com