l-kowċ preżenti tat-tim nazzjonali Franċiż Didier Deschamps tkellem fuq Juventus fejn sostna li t-tim Juventin jinsab mibni biex jasal fl-Ewropa filwaqt li l-avversarji tagħhom Monaco huma neqsin mill-esperjenza.

“Meta tasal mal-aħħar erbgħa ta’ din il-kompetizzjoni, bilfors irid ikollok skwadra b’saħħitha għalkemm Monaco m’għandhomx il-kwalità ta’ Juventus u taż-żewġ timijiet Spanjoli l-oħra. Qed ikollhom mixja pożittiva fl-Ewropa però għandhom nuqqas t’esperjenza meta tikkumparahom ma’ Juventus u l-fatt li t-tieni logħba se tintlagħab f’Turin, żgur li se jkun vantaġġ għat-tim t’Allegri. Ma naħsibx li Juventus se jkunu qed jissottovalutaw lil Monaco għaliex huma mdorrijin b’dawn it-tip ta’ logħob u għandhom skwadra mibnija għal dan it-tragward.”

Sors: Sky Sports Italia

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com