Zlatan Ibrahimović iddikjara li ma’ Juventus tgħallem jilgħab aħjar il-futbol, speċjalment għaliex il-kowċ Fabio Capello għallem jixxuttja lil dak li llum sar wieħed mill-aqwa attakkanti fid-dinja.
“Malli wasal ma’ Juventus, Ibrahimović ma kienx jaf jixxuttja. Kien jixxuttja ħażin ħafna. Rajt fih ix-xewqa li jsir l-aqwa, u allura ordnajtlu jibda jitħarreġ ix-xuttijiet,” stqarr Capello.
Capello, li kien innota lil Zlatan meta kien ma’ Roma u talab li jingħaqad miegħu ma’ Juventus, kompla li “minn dakinhar qabad jitħarreġ bis-serjetà tant li sar tajjeb mhux biss biex jixxuttja, imma saħansitra sar jagħti l-freekicks u penalties.”
Ibrahimović ikkonferma dan u rringrazzja lil Don Fabio, il-persuna li skont hu bidillu l-mod kif jilgħab.
Sors: Tuttosport
Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.
