Staġun 1998-99. Wara erba’ staġuni ta’ suċċessi, Juventus jgħaddu minn staġun ferm deludenti. Wara numru ta’ riżultati negattivi, Marcello Lippi jagħti r-riżenja tiegħu minn kowċ tat-tim Juventin.

Minfloku Carlo Ancelotti jidħol fit-tmexxija tal-iskwadra ta’ Juventus, eksplejer u ekskowċ ta’ numru ta’ timijiet rivali tagħna. Ancelotti jsibha diffiċli biex jiġi aċċettat mis-sapporters Juventini, biss bil-mod il-mod jakkwista l-fiduċja tal-poplu Juventin.

Ancelotti kien ferm sfortunat li kien kowċ ta’ Juventus fi tliet staġuni, fejn tnejn minnhom kellhom tmiem ferm kontroversjali.

L-ewwel wieħed mar għand Roma wara tibdil fir-regoli tan-numru tal-ekstrakomunitarji, fejn plejer bħal Nakata (li sa dak iż-żmien ftit kien jilgħab minħabba r-regoli) kien deċiżiv fir-rebħ tal-kampjonat.

Fit-tielet sena tiegħu bħala kowċ, il-kampjonat intrebaħ minn Lazio wara l-famuża logħba ta’ Perugia kkontrollata minn Collina.

Illum niftakru f’logħba tat-13 ta’ Marzu 1998, waħda mill-ewwel logħbiet ta’ Ancelotti fit-tmexxija tat-tim.

Segwina wkoll fuq Facebook, fil-paġna uffiċjali tagħna, kif ukoll fuq Instagram u Twitter.