Waqt l-istaġun 2016/17, il-Juventus Club Malta Cuore Bianconero kellu l-opportunità jkompli jsaħħaħ ir-relazzjonijiet tiegħu mhux biss ma’ sponsors u partners lokali iżda anki ma’ entitajiet importanti internazzjonali bħal klabbs, aġenziji u ovvjament mas-soċjetà Juventus.

Ġurnata ferm sabiħa u importanti għall-klabb tagħna kienet dik meta ġie ffurmat ġemellaġġ mal-Juventus Club Caserta “Gigi Buffon”. Dan il-klabb huwa wieħed relattivament ġdid fil-fatt nhar il-Ġimgħa 6 ta’ Ottubru għadu kif iċċelebra l-ewwel anniversarju tiegħu mill-ftuħ uffiċjali tiegħu.

Il-Kumitat f’isem il-membri tal-klabb jixtieq jawgura aktar suċċessi lil dan il-klabb ħabib li fl-ewwel sena tiegħu spiss ħadem id f’id magħna u talabna nassistuhom fuq it-tmexxija tal-klabb minħabba l-fatt li jħarsu lejna bħala mudell ta’ fejn jixtiequ jaslu huma.

Bħalissa qed jippreparaw video li jiġbor l-ewwel sena tagħhom u aħna ninsabu onorati li dan il-video se nkunu qed nidhru fih! Minkejja li hemm distanza kbira bejn il-klabbs l-id tal-ħbiberija hija waħda ta’ veru u kif dejjem għedna aħna ninsabu dejjem lesti biex nikkoperaw flimkien sabiex igawdu dejjem il-Juventini.

Dan huwa messaġġ li ħareg fuq il-paġna tal-Facebook taghhom:

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com