Staġun 1994-95. Kienu għaddew disa’ staġuni mill-aħħar kampjonat mirbuħ mill-Bianconeri.

Juventus, taħt it-tmexxija ta’ Marcello Lippi dehru li fl-aħħar kienu għaqqdu skwadra b’saħħitha biżżejjed biex titwaqqaf id-dominanza ta’ Milan fil-kampjonat Taljan.

Wasalna għall-21 ta’ Mejju u Juventus jaffrontaw lil Parma, li huma l-ikbar sfidanti tagħhom għar-rebħ tal-kampjonat.

Rebħa għal Juventus ittihom ċertezza matematika tar-rebħ tal-kampjonat. Insegwu dak li ġara fil-logħba kontra Parma.