Il-Ħadd li ġej Juventus jibdew l-istaġun 2017/18 bl-ewwel logħba uffiċjali tagħhom.

Dan hekk kif fl-iStadio Olimpico ta’ Ruma, Juventus u Lazio jiltaqgħu kontra xulxin fil-finali tas-Supercoppa Italiana.

B’entużjażmu għad-debutt ta’ numru ta’ akkwisti ġodda ewlenin, fosthom Douglas Costa u Federico Bernardeschi, Juventus għandhom il-motivazzjoni li jġibu lura t-tazza f’Turin wara t-telfa tas-sena li għaddiet kontra Milan.

Rebħa għal Juventus tfisser li l-klabb jitla’ waħdu fil-quċċata tal-klassifika tar-rebbieħa ta’ din it-tazza. Attwalment, Juventus u Milan l-iktar li rebħu t-trofew, b’7 trofej.

Il-klabb, fi Triq Troubridge, il-Marsa, se jkun miftuħ għal din il-logħba, bil-membri jidħlu b’xejn waqt li dawk li għadhom mhux membri jew ma ġeddewx it-tesserament tagħhom għall-istaġun 2017/19 jintalbu ħlas ta’ €2.

Il-klabb qed jaħseb fi proġetti li jistgħu jagħtu prominenza nazzjonali lil dawk li jipparteċipaw fihom. Għalhekk, jekk tixtieq tappoġġja lill-klabb permezz ta’ sponsor, agħmel kuntatt magħna fuq info@juventusmalta.com.

Tixtieq tkun kontributur tas-sit juventusmalta.com u tibda tikteb l-artikli magħna? Agħmel kuntatt fuq admin@juventusmalta.com