L-ewwel logħba mistennija għan-newtrali f’Goodison Park. Logħba li ma ddiżappuntatx, b’gowls sbieħ u anke saves impressjonanti miż-żewġ naħat. Kien Barkley li fetaħ l-iskor minn freekick li ħasad għalkollox lil Lloris hekk kif il-ballun qabeż quddiemu eżatt. Fi tmiem l-ewwel taqsima rajna save kbir ta’ Vorm, li ssostitwixxa lil Lloris u b’hekk żamm lil Spurs fil-partita.

Fit-tieni taqsima, kien Lamela li ġab id-draw għal Tottenham b’daqqa ta’ ras mill-kross ta’ Walker. Wara l-gowl rajna l-assedju tal-iskwadra ta’ Pochettino li madankollu sabu lil Stekelenburg jagħmel żewg saves sbieħ ħafna, fuq Janssen u Lamela. Draw li jikkuntenta lil Koeman, li jidher li ħa jkollu effett tajjeb ħafna mal-iskwadra ta’ Everton.

Riżultat: Everton 1 v 1 Tottenham
Skurjaw: Barkley (E), Lamela (T)